एआईजीको जिम्मेवारी हेरफेर, धिरु बस्न्यात सुरक्षा परिषदमा

नेपाल प्रहरी

गृहपृष्ठ
नेपाल प्रहरी
एआईजीको जिम्मेवारी हेरफेर, धिरु बस्न्यात सुरक्षा परिषदमा

एआईजीको जिम्मेवारी हेरफेर, धिरु बस्न्यात सुरक्षा परिषदमा

वैशाख २४ सुरक्षा न्युज

काठमाडौं । सरकारले नेपाल प्रहरीका दुई अतिरिक्त महानिरीक्षक (एआईजी)को जिम्मेवारी हेरफेर गरेको छ । गत साताको मन्त्रिपरिषद् बैठकले राष्ट्रिय प्रहरी प्रशिक्षण प्रतिष्ठानका कार्यकारी निर्देशक एआईजी धिरु बस्न्यातलाई राष्ट्रिय सुरक्षा परिषद्को सचिवालय सिंहदरबारमा काज खटाएको हो ।

सरुवा सूचिअनुसार अपराध अनुसन्धान तथा कार्य विभागका एआईजी पुष्कर कार्कीलाई प्रतिष्ठानको कार्यकारी निर्देशकको जिम्मेवारी दिइएको छ । आर्थिक हिनामिनाको आरोप लागेपछि गृह मन्त्रालयको सिफारिशमा मन्त्रिपरिषद्को बैठकले बस्नेतलाई अपराध अनुसन्धान विभागमा दरबन्दी रहने गरी राष्ट्रिय सुरक्षा परिषद्मा काज सरुवा गरिएको स्रोत बताउँछ ।

तीन एआइजीको दरबन्दी रहेको नेपाल प्रहरीमा कार्यरत एआईजी ठूले राईको भने सरुवा गरिएको छैन । राई मानवस्रोत तथा प्रशासन विभागको प्रमुखको रुपमा कार्यरत छन् । बस्न्यातलाई सुरक्षा परिषद् सचिवालयमा काज खटाइएपछि अपराध अनुसन्धान तथा कार्य विभाग नेतृत्वविहीन बनेको छ ।

उच्च स्रोतका अनुसार उक्त बिभागको कायममुकायम प्रमुखको रुपमा एक नम्बर प्रदेश प्रहरी कार्यालयका डीआईजी केदार रिजाललाई ल्याउने गृह मन्त्रालयको तयारी रहेको बुझिएको छ । डीआईजी रिजाल प्रहरीमा व्यावसायिक तथा कडा मिजासका अधिकृतको रुपमा चिनिन्छन् ।

प्रकाशित मिति: बिहीबार, वैशाख २६, २०७६ १२:०५

प्रतिक्रिया दिनुहोस्