पत्रकारिताको फरक कोणमा उदायौं

ब्लग/विचार

गृहपृष्ठ
ब्लग/विचार
पत्रकारिताको फरक कोणमा उदायौं

पत्रकारिताको फरक कोणमा उदायौं

शुक्रबार, भदौ १३, २०७६ सुरक्षा न्युज

नेपालमा फड्को मारेको डिजिटल पत्रकारिताको यो भीडमा हामी पनि उदाउने कोशिश गरी आजदेखि विश्वबजारमा छिरेका छौं । नेपाली भाषामा विश्वभर छरिएर बसेका नेपाली जन–जनमा हामीले सूचना र त्यसमा पनि विशेषता बोक्ने कोशिश गरेका छौं ।

सुरक्षा न्युज डटकम जसको स्लग नै सुरक्षा समाचारको डिजिटल संग्रह भनी लेखेका छौं, हाम्रो ध्येय सुरक्षासँग जोडिएका अनेक प्रकारका सूचना विश्वभर छरिएका नेपाली जनतासम्म पु¥याउने नै हो । मुलुकको सुरक्षाका विषयमा देश र विदेशमा पनि उत्तिकै चासो र चिन्ता हुने भएकाले समग्रतामा नभई विशेषताका आधारमा सुरक्षासँग मात्रै सम्बन्धित रहेर हाम्रा समाचार, आलेख, विवरण, अन्तरवार्ताहरू प्रकाशन हुनेछन् । यसले सुरक्षा मामिलाका सन्दर्भमा आम पाठकले अनेक ठाउँमा खोज्नुको साटो यही डिजिटल पत्रिकाबाटै सहज र सरल बनाउने हाम्रो उद्देश्य हो ।

यसले सुरक्षा क्षेत्रमा भएका सकारात्मक कामको प्रोत्साहन र त्यहाँ भएका गलत कामको उजागर गर्ने लक्ष्यका साथ अघि बढेको छ । हाम्रो कामका कारण सुरक्षा निकाय जनताप्रति कति उत्तरदायी हुनेछ, त्यो अर्को कुरा भयो तर निरन्तर उत्तरदायी बनाउने पत्रकारिता हाम्रो अर्जुनदृष्टि हुनेछ ।

अतः हामी व्यावसायिक ढंगबाट अन्य मिडिया, न्युज पोर्टलजस्तै नै रहनेछौं । हाम्रो विशेषता भनेको बिटभित्रका अनेक बिटमार्फत जनतालाई सानाभन्दा साना सूचना प्रवाह गराउनु नै हुनेछ । यसैले पाठकले हाम्रो कामलाई पनि तुलोमा राखेर विश्लेषण गर्नुहुनेछ भन्ने विश्वास हामीले राखेका छौं ।

प्रकाशित मिति: शुक्रबार, भदौ १३, २०७६ १४:०८

प्रतिक्रिया दिनुहोस्