एपीएफ टोलीद्वारा चोरीपैठारीको सामान बरामद

सशस्त्र प्रहरी बल

गृहपृष्ठ
सशस्त्र प्रहरी बल
एपीएफ टोलीद्वारा चोरीपैठारीको सामान बरामद

एपीएफ टोलीद्वारा चोरीपैठारीको सामान बरामद

वैशाख १८ । सुरक्षा न्युज

काठमाडौं । सुनसरी जिल्लाको भोक्राहा नर्सिङ्ग गाउँपालिका–६ स्थित पूर्व–पश्चिम लोकमार्गमा पर्ने तिरौलिचोकबाट मंगलवार एपीएफ टोलीले करीब ६ लाख रुपैयाँ बराबरको चोरीपैठारीको मकै पिस्ने थ्रेसर मेसिन बरामद गरेको छ ।

सशस्त्र प्रहरी बल, नेपाल गण हेक्वा सुनसरी नम्बर ४ गणबाट खटिएको एपीएफ टोलीले उक्त मेसिन बरामद गरेको हो । भारतबाट अवैध रुपले भन्सार छली ट्रयाक्टरले तानेर नेपालतर्फ लाउँदै गरेको अवस्थामा उक्त मेसिन बरामद गरिएको हो ।

बरामद मेसिन आवश्यक कारवाहीको लागि स्थानीय भन्सार कार्यालयमा बुझाइएको छ । यसैगरी कञ्चनपुर जिल्लाको शुक्लाफाटा नगरपालिका ११ कलुवापुरबाट बैशाख १६ गते एपीएफ टोलीले करीब २ लाख ५० हजार रुपैयाँ बराबरको मोबाईल सेट बरामद गरेको छ । सशस्त्र प्रहरी बल, नेपाल गण हेक्वा कञ्चनपुर नम्बर ३५ गणबाट खटिएको एपीएफ टोलीले उल्लेखित मूल्य बराबरको ५८ वटा मोबाईल सेट वेवारिसे अवस्थामा बरामद गरेको हो ।

प्रकाशित मिति: बुधबार, वैशाख १८, २०७६ १२:०५

प्रतिक्रिया दिनुहोस्