काठमाडौं । गृहमन्त्रालय अन्तर्गतको बढुवा समितिले नेपाल प्रहरीमा रिक्त १३ डीआईजी र बढुवापछी रिक्त हुने १६ एसएसपी पदमा बढुवाको लागि गृहकार्य थालेको छ ।
गृहसचिव बिनोदप्रकाश सिंह अध्यक्षताको बढुवा समितिले गत साता डीआईजीहरु सन्दीप भण्डारीले, सुदीप गिरी, मिरा चौधरी र टेकबहादुर तामाङलाई एआईजीमा बढुवाको लागि सिफारिस गरेको थियो। उक्त एआईजी बढुवा सिफारिस विरुद्ध उजुरी गर्ने समयसीमा पनि आजदेखी सकिएको छ ।
नेपाल प्रहरी प्रधान कार्यालयको कर्मचारी प्रशासन शाखाका एक अधिकृतका अनुसार नेपाल प्रहरीमा रिक्त १३ प्रहरी नायब महानिरीक्षक (डीआईजी) र १६ प्रहरी वरिष्ठ उपरीक्षक (एसएसपी) को दरबन्दी पुर्तिको लागि बढुवाको गृहकार्य शुरु भएको छ ।
हाल रिक्त १३ डीआईजीको लागि एसएसपीहरु जनक भट्टराई, बिष्णुकुमार केसी, भरतबहादुर बोहरा, कुबेर कडायत, केदार ढकाल, रविन्द्र केसी, राजेशनाथ बास्तोला, लालमणी आचार्य, यज्ञबिनोद पोखरेल, चन्द्रकुबेर खापुङ, अर्जुन चन्द ठकुरी, बिकासराज खनाल, सुरेन्द्र प्रसाद मैनाली, कृष्णहरी शर्मा पोखरेल र चक्रबहादुर सिंह मुख्य प्रतिस्पर्धी देखिएका छन् ।
त्यस्तै, रिक्त १६ एसएसपीको लागि २५ एसपीहरु प्रतिस्पर्धामा देखिएका छन् । एसपीहरु बिमल बस्नेत सहित नेपाल प्रहरीको चर्चित ११२ टोलिका विश्व अधिकारी, सोमेन्द्रसिंह राठौर, भुपेन्द्रबहादुर खत्री, दिप शमशेर जवरा, बेलबहादुर पाण्डे, प्रवीण पोखरेल, अविनारायण काफ्ले, सानुराम भट्टराई, ओमप्रसाद अधिकारी, शेखर खनाल, गङ्गा पन्त, तारादेवी थापा, आभुषण तिम्सिना, बिश्वमणी पोखरेल, दिनेशराज मैनाली, गोपालचन्द्र भट्टराई, कृष्णबहादुर पल्ली मगर, रविकुमार पौडेल, नविनराज राई, बिरबहादुर ओली, बसन्त रजौरे, चन्द्रदेव राई, प्रज्वल महर्जन र मुकुन्द मरासिनी एसएसपी बढुवाको मुख्य प्रतिस्पर्धी हुन् ।
उनिहरुका अलावा २०५६ को ब्याचकै एसपीहरु रमेशकुमार बस्नेत, रविन्द्र रेग्मी, श्यामकृष्ण अधिकारी, बिमलराज कणेल, गोविन्द अधिकारी, नान्तीराज गुरुङ, कृष्ण प्रसाईं, भिमबहादुर दाहाल, हिराबहादुर पाण्डे, तुलबहादुर कार्की, बिनोद सिलवाल र राजिव बहादुर बस्नेत पनि एसएसपी बढुवाका प्रत्यासी हुन् ।