काठमाडौं । रुपन्देही, बाँके, सप्तरी र नवलपरासी(पूर्व) का विभिन्न स्थानमा भएका सवारी दुर्घटनामा परी ४ जनाको मृत्यु भएको छ ।
प्रहरीका अनुसार रुपन्देही लुम्बिनी सांस्कृतिक नगरपालिका-११ तेनुहवास्थित सडकमा यूपी ५५ टि ०२४७ नम्बरको भारतीय ट्रकले लु.१२ प ६१०१ नम्बरको मोटरसाइकललाई बिहीबार दिउँसो ठक्कर दिँदा मोटरसाइकलमा सवार लुम्बिनी सांस्कृतिक नगरपालिका-७ कर्महवा बस्ने २६ बर्षीया माया कुर्मीको मृत्यु भएको छ ।
दुर्घटनामा गम्भीर घाइते भएकी उनको भिम अस्पताल भैरहवामा उपचारको क्रममा मृत्यु भएको हो । दुर्घटनामा घाइते भएका मोटरसाइकल चालक उनकै श्रीमान २८ वर्षीय दिपक कुर्मीको सोही अस्पतालमा उपचार भइरहेको छ । ट्रक चालकलाई प्रहरीले नियन्त्रणमा लिएको छ ।
यसैगरी बाँके बैजनाथ गाउँपालिका-३ नौबस्थास्थित सडकमा भे.१ त ६८५८ नम्बरको ट्याक्टरबाट लडेर पैदलयात्री सोही गाउँपालिका-३ पुल्चोक बस्ने ३४ वर्षीय धन बहादुर देवकोटाको बिहीबार दिउँसो मृत्यु भएको छ । ट्याक्टरमा चढ्ने क्रममा लडेर शरीरको भित्री भागमा गम्भीर चोट लागेका उनको घरमै मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
यसैगरी सप्तरी कंन्चनरुप नगरपालिका-११ बधुवापुलस्थित सडकमा ना.६ ख ३४२५ नम्बरको ट्रकले ना.६ त ६१९९ नम्बरको ट्याक्टरलाई शुक्रबार बिहान ठक्कर दिँदा ट्याक्टर चालक बारा दक्षिण झिट्कैया-८ बस्ने ३५ वर्षीय जालिल मियाँ मनसुरीको मृत्यु भएको छ । दुर्घटनामा घाइते भएका उनको उपचारको क्रममा मृत्यु भएको हो । दुर्घटनामा घाइते भएका १ जनाको सोही अस्पतालमा उपचार भइरहेको छ भने अर्का घाइते सोही ठाउँ बस्ने ३२ वर्षीय ओम नारायण साहलाई सोही अस्पताल हुँदै थप उपचारका लागि विराटनगरतर्फ पठाइएको छ । हाल फरार ट्रक चालकको प्रहरीले खोजी गरिरहेको छ ।
यसैगरी नवलपरासी(पूर्व) कावासोती नगरपालिका-८ खरकट्टा जंगलस्थित सडकमा लु.५८ प ७०४८ नम्बरको स्कुटरबाट लडेर स्कुटर चालक कावासोती नगरपालिका-२ बस्ने ३५ वर्षीय जिवन रानाको मृत्यु भएको छ । दुर्घटनामा गम्भीर घाइते भएका उनको मध्यविन्दु जिल्ला अस्पताल डण्डामा उपचारको क्रममा मृत्यु भएको हो ।
दुर्घटनाका सम्बन्धमा स्थानीय प्रहरीले थप अनुसन्धान गरिरहेको जनाएको छ ।
-1755798403.JPG)
-1755801150.JPG)
-1755798396.JPG)
-1755798403.JPG)
-1755801150.JPG)
-1755798396.JPG)
