काठमाडौं । भक्तपुर, सर्लाही, दाङ, चितवन, पर्सा, उदयपुर र कपिलवस्तुका छुट्टाछुट्टै स्थानमा भएको सवारी दुर्घटनामा परी ७ जनाको मृत्यु भएको छ ।
प्रहरीका अनुसार भक्तपुर मध्यपुर ठिमी नगरपालिका-३ गठ्ठाघरस्थित सडकमा लु.२ ख ६७८ नम्बरको ट्रकले बा.८२ प ९७३७ नम्बरको स्कुटरलाई मंगलबार दिउँसो ठक्कर दिँदा स्कुटर चालक सूर्यबिनायक नगरपालिका-४ दधिकोट बस्ने ५८ वर्षीय नरहरी न्यौपानेको मृत्यु भएको छ । ठक्करबाट गम्भीर घाईते भएका उनको नागरिक अस्पताल गठ्ठाघरमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
यसैगरी सर्लाही बलरा नगरपालिका-४ बलरास्थित सडकमा बीआर ३० एल ८०४५ नम्बरको मोटरसाइकल आफै अनियन्त्रित भई मंगलबार दिउँसो दुर्घटना हुँदा मोटरसाइकल चालक सर्लाही रामनगर गाउँपालिका-२ बस्ने ७० वर्षीया राम एकबाल राय यादवको मृत्यु भएको छ । दुर्घटनामा गम्भीर घाईते भएका उनको धुलिखेल मेडिकल अस्पताल बलरा लैजाने क्रममा बाटोमै मृत्यु भएको हो ।
यसैगरी दाङ घोराही उपमहानगरपालिका-१० सौडीकुलास्थित सडकमा रा.१ झ १०२ नम्बरको एम्बुलेन्सले रा.४ प १५६६ नम्बरको स्कुटरलाई मंगलबार दिउँसो ठक्कर दिंदा स्कुटर चालक सोही ठाउँ बस्ने ६५ वर्षीय टोपेन्द्र कुमार पोख्रेलको मृत्यु भएको छ । ठक्करबाट गम्भीर घाइते भएका उनको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो । एम्बुलेन्स चालकलाई प्रहरीले नियन्त्रणमा लिएको छ ।
यसैगरी चितवन रत्ननगर नगरपालिका-१३ जयमंगलास्थित सडकमा बा.६५ प १६१ नम्बरको मोटरसाइकल आफै अनियन्त्रित भई मंगलबार बेलुका दुर्घटना हुँदा मोटरसाइकल चालक गोरखा भिमसेन गाउँपालिका-१ बस्ने ४५ वर्षीय फडिन्द्र बगालेको मृत्यु भएको छ । दुर्घटनामा गम्भीर घाइते भएका उनको पुरानो मेडिकल कलेज भरतपुरमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार चितवन कालिका नगरपालिका-२ बस्ने ५० वर्षीय चेत बहादुर बगालेको सोही अस्पतालमा उपचार भईरहेको छ ।
यसैगरी पर्सा जगरनाथ गाउँपालिका-५ सिकटापुलस्थित सडकमा प्रदेश २-०३-००९ प १८४५ नम्बरको मोटरसाइकल सडकबाट करिब १५ फिट तल खसेर मंगलबार बेलुका दुर्घटना हुँदा मोटरसाइकल चालक पर्सागढी नगरपालिका-५ बस्ने ३२ वर्षीय झोटी लाल यादबको मृत्यु भएको छ । दुर्घटमा गम्भीर घाइते भएका उनको उपचारको लागि बीरगंज हेल्थ केयर लैजानेक्रममा बाटोमै मृत्यु भएको हो ।
यसैगरी उदयपुर रौतामाई गाउँपालिका-१ तालथुकीस्थित सडकमा प्रदेश २-०२-०१-००१ त १०१७ नम्बरको ट्याक्टर अनियन्त्रित भई मंगलबार राति दुर्घटना हुँदा ट्याक्टर चालक त्रियुगा नगरपालिका-७ कालिखोला बस्ने २० वर्षीय केशव विकको मृत्यु भएको छ । दुर्घटनामा गम्भीर घाइते भएका उनको उपचारको लागि जिल्ला अस्पताल लैजानेक्रममा बाटोमै मृत्यु भएको हो । साथै दुर्घटनामा गम्भीर घाइते भएका अन्य ४ जनालाई जिल्ला अस्पताल हुँदै थप उपचारको लागि बिराटनगर रिफर गरिएको छ ।
यसैगरी कपिलवस्तु शिवराज नगरपालिका-१ स्थित सडकमा बा.९५ प ६२२६ नम्बरको मोटरसाइकल र लु.५ प ८१९५ नम्बरको मोटरसाइकल आपसमा ठक्कर खाई मंगलबार राति दुर्घटना हुँदा लु.५ प ८१९५ नम्बरको मोटरसाइकल चालक शिवराज नगरपालिका-९ भगवानपुर बस्ने २५ वर्षीय ओम प्रकाश चौधरीको मृत्यु भएको छ । दुर्घटनामा गम्भीर घाइते भएका उनको स्थानीय संजिबनी अस्पताल चन्द्रौटा हुँदै बुटवलमा थप उपचारको क्रममा मृत्यु भएको हो । दुर्घटनामा घाइते भएका बा.९५ प ६२२६ नम्बरको मोटरसाइकल चालक शिवराज नगरपालिका-५ समितीचोक बस्ने २२ वर्षीय बिक्रम गौतमको बुटवलमा उपचार भईरहेको छ ।
दुर्घटनाका सम्बन्धमा स्थानीय प्रहरीले थप अनुसन्धान गरिरहेको जनाएको छ ।
-1755798403.JPG)
-1755801150.JPG)
-1755798396.JPG)
-1755798403.JPG)
-1755801150.JPG)
-1755798396.JPG)
