काठमाडौं । अवैध लागूऔषध कारोबारमा संलग्न भारतीय नागरिकसहित १४ जनालाई प्रहरीले पक्राउ गरेको छ ।
काठमाडौंसहित देशका विभिन्न जिल्लाबाट उनीहरूलाई पक्राउ गरिएको प्रहरीले जानकारी दिएको छ । प्रहरीले दिएको जानकारी अनुसार काठमाडौंको त्रिभुवन अन्तर्राष्ट्रिय विमानस्थलबाट अवैध लागूऔषध सेतो हेरोइन ६ किलो ५ सय ग्रामसहित भारतीय नागरिक ६५ वर्षीय राकेश वाहब शनिबार राति पक्राउ परेका छन् ।
लागूऔषध नियन्त्रण ब्यूरो शाखा कार्यालय त्रिभुवन अन्तर्राष्ट्रिय विमानस्थल गौचरणबाट खटिएको प्रहरीले थाई एयरवेजको उडानद्वारा बैंककबाट काठमाडौं आएका उनलाई जाँच गर्ने क्रममा उनको लगेजबाट उक्त लागूऔषध फेला पारी पक्राउ गरेको हो ।
उदयपुरको त्रियुगा नगरपालिका–११ पुरानो गाईघाट बस्ने ३० वर्षीय विनोद चौधरीलाई अवैध लागूऔषध ब्राउनसुगर जस्तो देखिने पदार्थ १ ग्राम ७ सय ५० मिलिग्राम र नगद ३ हजार ४ सय रूपैयाँ सहित आइतबार दिउँसो प्रहरीले पक्राउ गरेको छ । अस्थायी प्रहरी पोष्ट तरकारी बजारबाट खटिएको प्रहरीले उनलाई उक्त पदार्थ सहित पक्राउ गरेको हो ।
मोरङको रंगेली नगरपालिका–८ बाट अवैध लागूऔषध खैरो हेरोइन जस्तो देखिने पदार्थ ४ सय ग्राम सहित ३ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा सोही नगरपालिका–८ बस्ने ३८ वर्षीय सुशिल बुढाथोकी, ५४ वर्षीय कृर्तानन्द ठाकुर र भारत बिहार थररिया कुर्साकाटा–१४ टाँवाबारी घर भएकी ४५ वर्षीया हसिना खातुन रहेका छन् । लागूऔषध नियन्त्रण ब्यूरो कोटेश्वर समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
धनकुटाको साँगुरीगढी गाउँपालिका–६ भेडेटार चोकबाट अवैध लागूऔषध गाँजा ६ किलोग्राम सहित सहिदभूमि गाउँपालिका–६ बस्ने २४ वर्षीय हरी कुमार राईलाई आइतबार दिउँसो प्रहरीले पक्राउ गरेको छ । इलाका प्रहरी कार्यालय भेडेटारबाट खटिएको प्रहरीले तेह्रथुमबाट दमकतर्फ जाँदै गरेको बा.५ ख ५८७७ नम्बरको बसमा सवार उनलाई उक्त गाँजा सहित फेला पारी पक्राउ गरेको हो ।
दाङको घोराही उपमहानगरपालिका–१० नारायणपुर बजारबाट अवैध लागूऔषध ब्राउनसुगर जस्तो देखिने पदार्थ १ ग्राम ५ सय २० मिलिग्राम र नगद ४४ हजार २ सय १० रूपैयाँ सहित सोही नगरपालिका–१२ बस्ने ३० वर्षीय सुदन गिरीलाई आइतबार दिउँसो प्रहरीले पक्राउ गरेको छ । इलाका प्रहरी कार्यालय नारायणपुरबाट खटिएको प्रहरीले लु.प्र.०२–००१ प १४९९ नम्बरको स्कुटरमा सवार उनलाई उक्त पदार्थ सहित फेला पारी पक्राउ गरेको हो ।
कञ्चनपुरको पुनर्वास नगरपालिका–११ डोके बजारबाट अवैध लागूऔषध खैरो हेरोइन जस्तो देखिने पदार्थ ७ सय मिलिग्राम सहित धनगढी उपमहानगरपालिका–५ शिवनगर बस्ने ३३ वर्षीय ईन्द्र ध्वज बमलाई आइतबार राति प्रहरीले पक्राउ गरेको छ । प्रहरी चौकी परासनबाट खटिएको प्रहरीले भारतको गौरीफन्टाबाट नेपालतर्फ आउँदै गरेको से.७ प ८८५ नम्बरको मोटरसाइकलमा सवार उनलाई उक्त पदार्थ सहित फेला पारी पक्राउ हो ।
सप्तरीको बलान बिहुल गाउँपालिका–२ बाट नियन्त्रित लागूऔषध डाईजेपाम ८६ एम्पुल, फेनारगन ८६ एम्पल र बुप्रेनोर्फिन ८८ एम्पुल सहित २ जनालाई आइतबार बेलुकी प्रहरीले पक्राउ गरेको छ । पक्राउ पर्नेहरूमा उदयपुर त्रियुगा नगरपालिका–११ बस्ने २५ वर्षीय लक्षम्ण मलाह र सोही नगरपालिका–१३ बस्ने २४ वर्षीय राजेश निरौला रहेका छन् । प्रहरी चौकी मौवाहाबाट खटिएको प्रहरीले भारतबाट नेपालतर्फ आउँदै गरेका उनीहरूलाई उक्त लागूऔषध सहित पक्राउ गरेको हो ।
चितवनको भरतपुर महानगरपालिका–२७ मेघौली बस्ने ३४ वर्षीय विष्णु गुरूङलाई नियन्त्रित लागूऔषध ट्रामाडोल १ सय ८७ ट्याब्लेट, अवैध लागूऔषध गाँजा ४ सय ८० ग्राम, नगद ४ हजार ६५ रूपैयाँ र २ थान मोबाइल सहित आइतबार बेलुकी प्रहरीले पक्राउ गरेको छ । इलाका प्रहरी कार्यालय चनौलीबाट खटिएको प्रहरीले उनको घर तलासी गर्दा उक्त लागूऔषध फेला पारी पक्राउ गरेको हो ।
झापाको मेचीनगर नगरपालिका–६ पुरानो मेचीपुलबाट अवैध लागूऔषध खैरो हेरोइन जस्तो देखिने पदार्थ १ ग्राम २ सय १० मिलिग्राम सहित मेचीनगर नगरपालिका–१० शान्ती समाज टोल बस्ने २७ वर्षीय सुरज कुमार दर्जीलाई आइतबार साँझ प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय काँकरभिट्टाबाट खटिएको प्रहरीले भारतको पानीट्याङ्कीबाट नेपालतर्फ आउँदै गरेको सिटिसफारीलाई जाँच गर्दा सिटिसफारीमा सवार उनलाई उक्त पदार्थ सहित फेला पारी पक्राउ गरेको हो ।
बाँकेको बैजनाथ गाउँपालिका–२ पहाडीपुर बस्ने ३१ वर्षीय लोकेन्द्र खाँण ठकुरीलाई अवैध लागूऔषध खैरो हेरोइन जस्तो देखिने पदार्थ ६ ग्राम ४ सय ४० मिलिग्राम सहित आइतबार बेलुकी प्रहरीले पक्राउ गरेको छ । इलाका प्रहरी कार्यालय बनकटवा र इलाका प्रहरी कार्यालय कोहलपुरबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो ।
कपिलवस्तुको कृष्णनगर नगरपालिका–३ लक्ष्मीनगरबाट अवैध लागूऔषध ब्राउनसुगर जस्तो देखिने पदार्थ २ सय २० मिलिग्राम सहित भारत उत्तर प्रदेश सिद्धार्थनगर वढनी बस्ने २० वर्षीय कन्हैया चौधरीलाई आइतबार राति प्रहरीले पक्राउ गरेको छ । इलाका प्रहरी कायालय कृष्णनगरबाट खटिएको प्रहरीले उनलाई उक्त पदार्थ सहित पक्राउ गरेको हो ।
घटना सम्बन्धमा प्रहरीले आवश्यक अनुसन्धान गरिरहेको बताएको छ ।
